Pangasinan

 

                             Pangasinan

      Sa mga naghahanap ng bagong adventure at mga lugar na dapat pasyalan, narito ang Pangasinan - ang perlas ng hilagang Luzon. Ito ang lugar kung saan makakapagpahinga ka ng husto at makapag-explore ng mga bagong lugar. Ang mga magagandang tanawin tulad ng Hundred Islands, Bolinao Falls, at Cabongaoan Beach ay tiyak na magpapalipas sa inyong pagod at stress. Malapit rin dito ang Patar Beach, na sikat sa mga mahihilig sa surfing at iba pang mga water activities. Hindi lang mga tanawin ang maipagmamalaki ng Pangasinan, dahil mayroon ding mga kultura at tradisyon na dapat masaksihan.

       Ang mga festivals tulad ng Pista'y Dayat, Agew na Pangasinan, at Bagoong Festival ay mga okasyon kung saan makakapagdispley ang mga taga-Pangasinan ng kanilang kagandahang-loob at kasiglahan sa kultura. At higit sa lahat, makakapag-experience ka ng masarap at kakaibang mga pagkain sa Pangasinan. Hindi mo dapat palampasin ang kanilang bagoong at mga produkto ng dagat tulad ng bangus, talaba, hipon at ang pangbato nilang longganisa na napaka sarap at hindi ka manghihinayang sa pagbili mo. 

       Dito ako pinanganak kaya ito ay pinagmamalaki ko dahil masasabi ko na ito ay probinsiya na puno ng magagandang lugar na hindi ka magsasawang balikan at puntahan. Ang pangasinan ay may magagandang beach kaya pinupuntahan ito ng mga turista at dahil narin sa masasarap na pagkain. Ikaw ay nasa byahe palamang mabubusog kana dahil may nag iikot na mga tindero/tindera na merong dalang masasarap na pagkain tulad ng tupig at iba pa. Sa lugar na ito ay mawawala ang iyong pagod at problema dahil sa mga tanawin,pagkain at sa dami ng piyesta na nagaganap at mabibighani ka sa ganda ng mga palayan at matutuwa ka sa mga tao dun dahil sila ay masayahin at matulungin.

         Kaya mga kababayan, tara na't bisitahin ang Pangasinan at maranasan ang mga bagong bagay na naghihintay sa inyo. Sama-sama tayong maglakbay, mag-enjoy, at mag-create ng mga bagong alaala sa perlas ng hilagang Luzon.